Paulosun Romalılara yazdığı məktubda uzaqdan uzağa da olsa arxasında seks gizlənən bir bənzətmə işlədilir. Həmin məktubda Paulos bir çox şeylərdən danışır, bunlardan biri də inanclının İsa Məsih kontekstində yəhudi dini qanunlarıyla və ya Yəhudi Şəriətilə əlaqəsidi (Romalılara 7:1-6). Həvari demək istədiyini anlatmaq üçündolayısıyla boşanmadan bəhs edir. Boşanma özlüyündə seksi bir şey deyil, ancaq bir sosial institut kimi boşanmadan öncəki münasibətlərdə cinsəllik olduğunu da ifadə edir. Boşanma məhz potensial seksilik içərən (və ya belə olduğu hesab edilən) münasibətlərin bitməsi deməkdi. Ona görə də bu parça haqda yazmaq istədim.
İndi məktuba dönək. Həvarinin verdiyi bənzətmə qarışıqdı və bu qarışıqlığı görmək istəyən yuxarıda göstərdiyimiz parçanı oxuyar. Ümumilikdə həvari Paulos yəhudi dini qanunlarını (şəriətini) ərə, məsihilərin isəvi olmazdan öncəki vəziyyətini ərli qadına (yoxsa dolayısıyla ərə? – qarışıqlıq burdadı) bənzədir və deyir ki, ərli qadının əri öldükdən sonra o necə əriylə cinsəl bağlardan, ərinə xəyanət təhlükəsindən azad olursa, İsa Məsihin bədəni vasitəsilə də məsihilər beləcə şəriət üçün ölmüşlər ki, Ölümdən Dirildilənə məxsus ola bilsinlər. Bənzətmədə ölən ərdi və ailəlik görəvindən azad olan dul qalmış qadındı. Lakin həvari bənzətməni açmağa çalışanda ölən məsihi olur (o zaman dul qalmış şəriət mi olur?). Qarışıqlıq (və ya qarışıqlıq kimi görünən) əslində İsəvilikdəki ölmək və dirilmək mövzusuyla sıx bağlıdı. Lakin izninizlə detallara girməyək.
Qısaca onu qeyd edək ki, ailə-cinsəllik-xəyanət mövzunu dolayısıyla içərən bu bənzətmə yeganə deyil Əhdi Ətiqdə də belə bənzətmələr var.
No comments:
Post a Comment