İlahinin Ədaləti

İlahi haqqında inanılası ən önəmli ideya, dəyər və ya öz yaşantılarınızda yaşamalı olduğunuz ən əsas münasibət, Allahın təkliyi ya çoxluğu deyil, Onun ədalətliliyidir. Çünki tək, ancaq ədalətsiz ilahiyə ibadətdən daha qorxunc, yazıq bir şey təsəvvür etmək çətindir. İlahiyə ibadətin rasional əsası da insanın nöqteyi-nəzərindən buna dayanır: İlahi ədalətlidir və Onun ədaləti mükəmməldir və buna görə də Ona ibadət etməyə, Ona, türklər demiş, “tapmağa” dəyər. Bu, etiraf edim ki, çox yarımçıq yanaşmadı. Biz İlahiyə sadəcə ədalətli olduğu üçün ibadət etmirik. İlahi, bizə belə bir nəsihət verdiyi üçün Ona ibadət edirik. Ədalət özlüyündə İlahiyə ibadətin tək və yeganə əsası deyil, amma zəruri əsaslarındandır deyilə bilər. 

Məsihi Əzabları

“Həvari Peterin Birinci Məktubu”nda deyilir: “Sevimlilər, sizi sınamaq üçün aranızda baş verən odlu imtahana sanki başınıza gələn qəribə bir iş kimi təəccüb etməyin. Əksinə, Məsihin əzablarına nə qədər şərik olursunuzsa, o qədər sevinin ki, Onun izzətli zühurunda hədsiz sevinəsiniz. Məsihin adına görə təhqir olunsanız, siz nə bəxtiyarsınız! Çünki Allahın izzətli Ruhu üzərinizdə qalır. Lakin heç biriniz qatil, oğru ya başqa cür cinayətkar kimi yaxud başqalarının işinə qarışan şəxs kimi əzab çəkməsin. Amma əgər bir insan məsihçi kimi əzab çəkirsə, qoy bundan utanmasın, bu adı daşıyaraq Allahı izzətləndirsin.” (1 Peter 4:12-16)

Ümidin Səsi

Salam Əzizlərim! Uzun müddət yazmadıqdan sonra yenidən yazmağa başlamaq bir az çətin olur, ancaq haradansa başlamaq lazımdır, elə deyilmi?

Bu həftə sonu kilisələr Pasxa bayramını qeyd edəcəklər. Əgər qeyd edirsinizsə, bəri başdan hamınızın bayramı mübarək deyirəm! Açığı, bayramı qeyd edəcək əhval-ruhiyyədə deyiləm. Həm kilisə xidməti ilə bağlı gərginlik, həm gündəlik həyatdakı münaqişələr insanı tükətir. Belə anlarda qutsal kitabdan ümidverici fikirləri oxumaq inanclıya ayağa qalxıb yola davam etməyə, Məsihin söylədiyi kimi çarmıxını dalına alıb onun arxasınca getməyə kömək edər. Səbrli olmaq və içindəki ortamda İlahinin sevəcəyi bir şəkildə hərəkət etmək özü də məziyyətdir və Bibliya bu məziyyətə malik insanları alqışlayır. 

Milad

Hamınızın Milad Bayramı mübarək, əziz dostlarım!
İlahi hamınıza bərəkət və sevgi versin!

Onun Gəlişinə Hazırlıq

“...Yaxşı çoban mənəm. Necə ki, Ata məni tanıyır və Mən Atanı tanıyıram, eləcə də özümünküləri tanıyıram, özümünkülər də Məni tanıyır. Mən quzular uğrudan canımı qurban verirəm. Bu ağıldan olmayan başqa quzularım var ki, onları da gətirməliyəm. Onlar da səsimi eşidəcək, beləcə tək sürü, tək Çoban olacaq.” (Yəhyanın nəql etdiyi müjdə 10:14-16. Müqəddəs Kitab. Bakı 2009)

Oxuyacağınız Kitablar

Abraham Coşua Heşel (Abraham Joshua Heschel) iyirminci əsrin önəmli ravvinlərindədir. İnanc və din haqqında çox maraqlı kitabları var, özəlliklə də Əhdi-Ətiqin izahı məsələsində çəkici və yenilikci, orijinal fikirləriylə tanınır. Onun “Peyğəmbərlər” (The Prophets) kitabı digərləri ilə müqayisədə daha məşhurdur. Həmin kitabda A.C. Heşel Əhdi Ətiqdəki peyğəmbərlərin kimliyi, peyğəmbər olmanın və ümumiyyətlə peyğəmbərliyin özəlliklərini anladır. Məni onun kitablarına çəkən yazı tərzi və mücərrəd konseptləri çox canlı, metaforik dillə izahı olub.

Onun aşağıda adlarını çəkdiyim kitablarını İngiliscə oxuya bilərsiniz.

1.     The Prophets (Peyğəmbərlər)

2.     God in Search of Man (Allah İnsan Sorağında)

3.     Man is not alone (İnsan Tənha Deyil)

4.     The Sabbath (Şabat Günü)

Oxuyun! Peşman olmayacaqsınız!

Xristian Təliminin Məqsədlərindən Biri

İsa Məsihin kimliyinə və həyatına dayanan təlimin məqsədi haqqında Bibliyada bəzi mülahizələrə rastlanılır. Bu ideya və mülahizələrdən birinə bu gün nəzər salacağıq. Sözünü etdiyimiz fikirləri bilmək həm Bibliyanın şərhi, həm də onu inanc gözüylə oxumaq üçün önəmlidir. Bibliya, daha öncə bəhs etdiyimiz kimi, mürəkkəb kitabdır və istənilən ideyanı dəstəkləmək üçün ondan sui-istifadə etmək mümkündür. Buna səbəb Bibliyada bir çox ideya və hadisələrdən və bir çox perspektivdə danışılmasıdır. Bundan başqa Bibliyadakı janr rəngarəngliyi onu şərh etdiyimiz zaman əsas məqsədi gözdən qaçırmaq ehtimalını artırır. Belə yanlışlığın baş verməsi ehtimalını azaltmaq üçün Bibliyanı inanc gözüylə nə üçün oxuduğumuzu bilməliyik.

Dönüş - Tövbə - Metanoya

"Bütün vergiyığanlar və günahkarlar İsanı dinləmək üçün Ona yaxınlaşırdılar. Fariseylər və ilahiyyatçılar isə "Bu adam günahkarları qəbul edir və onlarla yemək yeyir" deyə deyinirdilər.
Amma Isa onlara bu məsəli çəkdi: "Sizlərdən birinin yüz qoyunu olsa və onlardan birini itirsə, doxsan doqquzunu çöldə qoyub itmiş qoyunu tapanadək onu axtarmazmı? Tapanda isə onu sevinclə çiyinlərinə qoyar. Evə gələndə öz dostlarını və qonşularını çağırıb belə deyər: "Mənimlə birlikdə sevinin, itmiş qoyunumu tapmışam!" Sizə doğrusunu deyirəm: beləcə də göydə tövbə edən bircə günahkara görə tövbəyə ehtiyacı olmayan doxsan doqquz saleh insan üçün olduğundan daha çox sevinc olacaq."

Ruhun Gördüyü

“16.Buna görə biz ümidimizi itirmirik. Zahirimiz get-gedə xarab olsa da, daxilimiz gündən-günə təzələnir. 17.Çünki müvəqqəti, yüngül əziyyətlərimiz bizə bir şeylə müqayisə edilməz dərəcədə böyük və əbədi izzət qazandırır. 18.Gözlərimizi görünən şeylərə deyil, görünməyən şeylərə dikirik. Çünki görünənlər gəldi-gedər, görünməyənlərsə əbədidir.” 

(Korinflilərə Birinci Məktub. Müqəddəs Kitab, Bakı-2009)

Gözlərinizi qapayanda siz nə görürsünüz?

Yuxularınıza nələr, kimlər qonaq gəlir?

Öz – özünüzlə, tək, yalnız qalanda varlığın o biri üzündən

Sizə kim boylanır?

Görünməyəni necə görmək olar?

Kilisə Nədir

Kilisə bina deyil. Kilisə kütlə də deyil. Kilisə İsa Məsihdə İlahini görmüş, Onun müjdəsinə inanmış və İlahiyə tapınmaq üçün bir araya gələn insan icmasıdır. Əslində kilisənin kilisə olması üçün insanların bir araya gəlməsi də o qədər vacib deyil, baxmayaraq ki, kilisəni görmək, qavramaq üçün ən azından gözlə görünən bir qrupa ehtiyac var.

İsa Məsih və Uşaqlar

"15. Adamlar körpələri də İsanın yanına gətirirdilər ki, İsa onlara toxunsun. Bunu görən şagirdlərsə onlara qadağan etdilər. 16. Amma İsa uşaqları yanına çağırıb dedi: "Uşaqları buraxın, qoy Mənim yanıma gəlsinlər! Onlara mane olmayın! Çünki Allahın Padşahlığı belələrinə məxsusdur. 17. Sizə doğrusunu deyirəm: kim Allahın padşahlığını bir uşaq kimi qəbul etməsə, oraya əsla daxil ola bilməz"." (Müqəddəs Kitab. Bakı 2009)

Miladınız Mübarək!

Hamınızın Milad Bayramı Mübarək!
Bizdən biri olmağı, "biz"ləşməyi və insan əzablarını bölüşməyi özünə yad bilməyən Rəbb sizi qorusun!

Məsihə Oxşamaq və ya İmitatio Kristi

Kimliyindən, necəliyindən, hardalığından, nəvaxtalığından asılı olmadan bütün insanlar, heyvanların bir çoxu da daxil olmaqla, təqlid edərək, biri-birindən görüb-götürərək öyrənirlər və yaşayırlar.

Bir körpə ata-anasını təqlid edər. Uşaqkən oynadığımız oyunlar belə təqlid edərəkdən öyrənmənin bir şəklidir. Bir aslan balası, anasının ovlamasını müşahidə edərək, onu yamsılayaraq öyrənər.

Oxşamaq, oxşatmaq, yamsılamaq, təqlid etmək universaldı. Toplumlar biri-birinin nailiyyətlərini təqlid edərlər. Bütöv hərəkatlar bir ya bir neçə şəxsin, qrupun yaşam tərzini təqlid edərlər. Bu, istəsək də istəməsək də belədir. Bilmədən, fərqində olmadan təqlid etmək və ya yamsılamaq da olur.

Ağlınıza Nə Batır?

Sizcə hansı İlahiyə ya Allaha inanmaq daha ağlabatandı?

Özünü güclü, asıb-kəsən, hər şeydən üstün kimi göstərən və tanıdan birisinə? Yoxsa, özünü güclü, asıb-kəsən olmaqdan daha çox sevən, bağışlayan, insan əzablarına şərik olan, özündən bir şeyləri insanlar üçün fəda edən, insaniləşən və təvazökarca bizi özünə dəvət edən birisinə?

Qohelet nə deyir

“9.İşləyən adama zəhmət çəkib gördüyü işin nə faydası var? 10.Gördüm ki, bu işi üzərində zəhmət çəkmək üçün Allah insanlara verib. 11.Allah hər şeyi öz vaxtında gözəl yaratdı və əbədiyyəti də insanların ürəyinə qoydu. Hərçənd ki, insan Allahın etdiyi işi əvvəldən axıra qədər anlaya bilməz. 12.Mən bilirəm ki, insan üçün şadlıq etməkdən və ömrü boyu xeyirxahlıq etməkdən yaxşı şey yoxdur. 13.Həm də hər kəsin yeyib-içməyi və gördüyü işdən zövq almağı Allahın bəxşişidir.” (Vaiz 3:9-13. Müqəddəs Kitab. Bakı-2009.)

Rəbbin Qoyunları

İncildə və Əhdi-Ətiqdə keçən heyvan adlarından biri qoyundu. Bir sıra hekayə və məzmurlarda çoban bənzətməsi İlahi, İsa Məsih, qoyun bənzətməsi isə inananlar üçün istifadə edilib. Tanrı inanclıların çobanına, inanclılar isə İlahinin qoyununa, bəzən quzusuna bənzədilir.

Çoxsəslilik

Müqəddəs Kitabın maraqlı özəlliklərindən biri onun çoxsəsliliyidi. Çoxsəslilik (polifoniya) birdən çox səs, ton, mövqe, yanaşma anlamına gəlir. Deyilə bilər ki, çoxsəslilik hər yerdə və bir çox nəsnələrdə var. Burası doğrudur. Birisinin bir problemə, işə, insana münasibəti zamanla dəyişə bilər. Amma çoxsəslilik zamanla dəyişən münasibəti yox, bir məsələyə eyni bir zamanda bir neçə münasibətin, fərqli yanaşmanın olmasını ifadə edir. 

Xətasız Qul Olmaz və ya Davudla Betşebanın Hekayəti

Bibliyada keçən maraqlı hekayələrdən biri padşah, peyğəmbər və şair (ənənənin doğru söylədiyini qəbul etsək) Davudun günahkarlığı, loru dillə desək, oğraşlığı və əclaflığı haqqındadı.

Davud tarixi şəxsiyyət olub. İsrailliləri öz ətrafında birləşdirib güclü dövlət qurmağı bacarıb, Bibliyaya görə, şeirlər-ilahilər yazıb, hələ musiqi alətləri də icad edib. Davud həm də qorxmaz olub. Bibliyaya görə, Davud heç kimin təkbətək döyüşməyə cürət etmədiyi nəhəng Qoliyatı öz sapandı ilə öldürüb. Davud hamımızın adını eşitdiyi Süleyman peyğəmbərin (və padşahın) atasıdı. Davud Rəbbin seçdiyi bir insanmış.

Razısınızmı?

“Uşağa tərbiyə ver, bundan vaz keçmə,

Tərbiyə kötəyi ona ölüm gətirməz.

Əgər sən onu kötəkləsən,

Canını ölülər diyarından xilas edərsən.”

 (Süleymanın Məsəlləri 23:13-14)

Nəf(ə)s

Ruax Ha-Qodeş. Pneuma Haqion, Müqəddəs Ruh.
Başlanğıc kitabında (Bibliyadakı birinci kitab) elə ilk cümlələrin birində deyilir ki, yeri və göyü yaratdıqdan sonra Allahın Ruhu suların üzərində süzürdü. Bu həmin Ruhdu ki, İlahi insanı yaratdıqda öz nəfəsindən bir parça kimi onu insanın içinə üfləyib və biz onu nəfəs kimi alıb verməklə həyatı yaşayırıq.
Bu gün (19 May) Ümumbəşəri Kilisə Pentekost bayramını qeyd edir. Bu bayram Müqəddəs Ruhun həvarilərin üzərinə enməsini anladır. Müqəddəs Ruhun Xristian liturgiyasında açılmasını görmək üçün Pentekostal və Xarizmatik kilisələrə nəzər salmaq bəlkə kömək edər.
Bibliyada Müqəddəs Ruhu və ya Rəbbi təsvir edərkən nəfəs, külək, od-alov kimi bənzətmələrdən istifadə edilir. O, təmizləmək, doldurmaq, ümid vermək, həyat rəmzidir.
Qısacası, Tanrı Nəfəsindən əskik olmayasınız!