Salam Əzizlərim! Uzun müddət
yazmadıqdan sonra yenidən yazmağa başlamaq bir az çətin olur, ancaq haradansa
başlamaq lazımdır, elə deyilmi?
Bu həftə sonu kilisələr Pasxa
bayramını qeyd edəcəklər. Əgər qeyd edirsinizsə, bəri başdan hamınızın bayramı
mübarək deyirəm! Açığı, bayramı qeyd edəcək əhval-ruhiyyədə deyiləm. Həm kilisə
xidməti ilə bağlı gərginlik, həm gündəlik həyatdakı münaqişələr insanı tükətir.
Belə anlarda qutsal kitabdan ümidverici fikirləri oxumaq inanclıya ayağa qalxıb
yola davam etməyə, Məsihin söylədiyi kimi çarmıxını dalına alıb onun arxasınca
getməyə kömək edər. Səbrli olmaq və içindəki ortamda İlahinin sevəcəyi bir şəkildə
hərəkət etmək özü də məziyyətdir və Bibliya bu məziyyətə malik insanları
alqışlayır.
“Bütün qayğı yükünüzü Ona ötürün,
çünki O sizin qayğınıza qalır.” (1 Peter 5:7)
Burada “Ona” Yaradana istinad
edir. Birinci Peter çətinlikdə olan imanlılara ümid verən bir məktubdur və
imanlıları həvəsləndirir ki, çətinliklərini Rəbbə həvalə etsinlər.
“Rəbbin xeyirxahlığını dirilər
arasında görəcəyəm,
Buna şübhəm yoxdur.
Rəbbə ümid bağla!
Möhkəm və cəsarətli ol!
Rəbbə ümid bağla!” (Məzmur
27:13-14)
“Qorxma, çünki mən səninləyəm,
Dəhşətə gəlmə, çünki Allahın mənəm.
Səni qüvvətləndirəcəyəm,
Sənə kömək edəcəyəm.
Sadiq sağ əlimlə Sənə dayaq
olacağam.” (Yeşaya 41:10)
“Yalnız bununla deyil, çəkdiyimiz
əziyyətlərlə də fəxr edirik, çünki bilirik ki,
əziyyətdən dözüm, dözümdən Allaha xoş gəlmə, Allaha xoş gəlmədən də ümid
yaranır. Ümidimiz də boşa çıxmır, çünki Allah məhəbbəti bizə verilən Müqəddəs
Ruh vasitəsilə ürəklərimizə tökülüb.” (Romalılara 5:3-5)
Bu cümlələrin üzərinə düşünün.
Onlar sizə ümid verər və yollarınıza işıq salar.
No comments:
Post a Comment