İnanclı Olmaq: Via Negativa

İnanclı olmaq, yəni İlahiyə inanmaq

Uzun saqqal saxlamaq

Qaşqabaqlı olmaq, sir-sifətindən ciddi

Kədərli görkəm asmaq

Demək deyil.

Rəbbi düşünmək, yəni Onu sevmək

Başqalarına dərs keçmək,

Ona-buna hökm kəsmək,

Birini ittiham, digərini tərif etmək

Demək deyil.

Demək,

Deyil bu, deyil o

İnanclı olmaq.

Mən deyim nədir inanclı olmaq.

İnanclı olmaq elə budur, yəni ki, odur.

Sözümün canı budur,

“Belə deyil, elə deyil”

Demək də deyil.

İnanclı olmaq.

O da deyil, bu da deyil,

Heç nə deyil,

Deyil də deyil

İnanclı olmaq.

Yenidən başlayaq...